امریکا میں ایک لائبریری کو 51 برس بعد کتاب لوٹا دی گئی۔
ریاست شمالی ڈکوٹا کی اینڈرلن میونسپل لائبریری نے ایک سوشل میڈیا پوسٹ میں بتایا کہ لائبریری کو مصنفہ ڈیفنی ڈو موریئر کی کتاب ریبیکا کے نسخے کی ایک ڈاک موصول ہوئی جس پر واپسی کا پتہ نہیں لکھا ہوا تھا۔ بغور دیکھنے پر معلوم ہوا کہ کتاب 51 برس قبل 6 اکتوبر 1973 کو واپس جمع کرائی جانی تھی۔
پوسٹ میں مزید بتایا گیا کہ یہ کتاب 18 ہزار 783 روز تاخیر سے واپس کی گئی ہے اور فی دن 10 سینٹ کی لیٹ فیس عائد کی جائے تو 1878.30 ڈالر کی مجموعی رقم بنتی ہے۔
تاہم، لائبریری بورڈ کی جانب سے کتاب کی تاخیر سے واپسی پر لیٹ فیس ختم کردی گئی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔