جویریہ سعود رواں سال رمضان کی سب سے بڑی نشریات کرنے میں کامیاب ہوگئیں۔
ایکسپریس ٹی وی کی رمضان ٹرانسمیشن کے تمام پروگرامز اور سیگمنٹس پر ریٹنگز اور ویوز بہترین رہے جنہیں عوام کی جانب سے بھی خوب سراہا گیا۔ پیارا رمضان کی نشریات کے کئی ویڈیو کلپس بھی سوشل میڈیا پر خوب وائرل ہوئے۔
جویریہ سعود ایکسپریس ٹی وی پر پیارا رمضان کی میزبانی کر رہی ہیں اور خاص طور پر مولانا آزاد جمیل کے ساتھ ان کا سیگمنٹ پورے مہینے وائرل رہا ہے۔
ناظرین کی جانب سے دلچسپ کالز، الیکٹرک میٹر کے وظیفے سمیت کئی چیزوں کے سوشل میڈیا پر خوب چرچے ہوئے۔ جویریہ سعود سال 2025 کے لیے پاکستانی ٹیلی ویژن پر اپنی سب سے بڑی ٹرانسمیشن بنانے میں کامیاب رہیں۔
حال ہی میں یاسر حسین رمضان ٹرانسمیشن میں شریک ہوئے اور انہوں نے اسے وائرل ہونے اور اس سال اس کی سب سے بڑی ٹرانسمیشن کے لیے اعلیٰ درجہ بندی حاصل کرنے پر مبارکباد دی۔
جس پر پیارا رمضان کی میزبان جویریہ سعود نے کہا کہ وہ ہر چیز کے لیے رب کی شکر گزار ہیں اور وہ ہمیشہ نیت پوری لگن کے ساتھ ہر کام کرتی ہیں اس ہی لئے خدا انہیں کامیاب بھی کرتا ہے۔
میزبان نے عوام کا بھی شکریہ ادا کیا جنہوں نے پیارا رمضان کی ٹرانسمیشن کو پورا ماہ دیکھا اور اسے پسند کر کے اسے کامیاب بنایا۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔