شاد باغ بازار میں دوران ڈیوٹی ایک اہم واقعہ پیش آیا، جب سب انسپکٹر مراد نے ایک شہری کا قیمتی موبائل برآمد کر کے مالک کے حوالے کیا۔
یہ واقعہ اس وقت پیش آیا جب شہری شاپنگ کے لیے بازار آیا تھا اور دوران سفر اس کا موبائل گر گیا۔
سب انسپکٹر مراد کو یہ موبائل بازار میں ڈیوٹی کے دوران ملا، جس کے بعد انہوں نے فوراً اپنے سینئر افسران کو اس کی اطلاع دی۔
مزید پڑھیں: لاہور پولیس کی کارروائی؛ شراب اور منشیات کی بڑی کھیپ برآمد
موبائل کی بازیابی کے بعد پولیس نے شہری سے رابطہ کر کے اُسے اس کا موبائل واپس کر دیا جس میں شہری کے اڑھائی لاکھ روپے کی رقم اور دیگر اہم کاغذات شامل تھے۔
شہری نے اکبری گیٹ پولیس کا شکریہ ادا کیا اور اس ایمانداری کے اقدام پر سب انسپکٹر مراد کی تعریف کی۔
ایس پی سٹی کیپٹن ریٹائرڈ قاضی علی رضا نے سب انسپکٹر مراد کو شاباش دیتے ہوئے تعریفی سرٹیفکیٹ دینے کا اعلان کیا۔
مزید پڑھیں: لاہور پولیس کا چھاپا، جعلی پولیس اہلکار، خطرناک شوٹرسمیت 37 ملزمان گرفتار
انہوں نے کہا کہ عوام الناس کی جان و مال کی حفاظت پولیس کی اولین ذمہ داری ہے اور سب انسپکٹر مراد کا یہ اقدام پولیس فورس کے لئے ایک بہترین مثال ہے۔
ایس پی سٹی کیپٹن ریٹائرڈ قاضی علی رضا نے مزید کہا کہ اس نوعیت کے واقعات پولیس کے ایمانداری اور پروفیشنلزم کا عکاس ہیں اور یہ دکھاتے ہیں کہ پولیس فورس اپنی ذمہ داریوں کو ایمانداری اور لگن کے ساتھ نبھاتی ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔