پولیس گردی کی سنگین واردات: اہلکار نے ساتھیوں کیساتھ ملکر بزنس مین کو اغوا کرکے لوٹ لیا 

راولپنڈی کے تھانہ روات کے علاقے میں مبینہ پولیس گردی کی سنگین واردات سامنے آئی ہے جہاں وردی میں ملبوس سب انسپکٹر ریحان خان نے ساتھیوں نے ساتھ مل کر اوسیز اور پاکستان میں بزنس کرنے والے بزنس مین کو اغوا کرکے لوٹ لیا۔

رپورٹ کے مطابق ریحان خان سب انسپکٹر و حواریوں کی جانب سے نجی ہاؤسنگ سوسائٹی میں نجی ٹارچر سیل رکھنے کا بھی انکشاف ہوا، متاثرہ بزنس مین نے پولیس سے رجوع کرلیا حکام کا سخت نوٹس سب انسپکٹر اور ساتھیوں کے خلاف مقدمہ درج کرلیاگیا۔

پاکستان اور یو اے ہی میں بزنس ہے یو اے ای سے بزنس کے سلسلے پاکستان آیا ہوا تھا، لاہور سے اپنی گاڑی پر واپس اپنی رہاہش گاہ نجی ہاؤسنگ سوسائٹی آرھا تھا، لیک ویو جنکشن سے بائیں موڑا تو سامنے پنجاب پولیس کی وردیوں میں سب انسپکٹر ریحان خان اور ایک باوردی و تین سادہ کپڑوں میں ملبوس افراد نے روک لیا۔

رپورٹ کے مطابق باوردی پولیس عملہ دیکھ کر گاڑی روک لی تو انھوں نے گاڑی کے کاغذات دیکھانے کے لیے کہا جو دیکھا ، دییے پھر کیا کہ آپ کے پاس ہتھیار ہے جس پر میں نے انھیں اسلحہ کا لائسنس دیکھایا۔

چیک کرنے کے بعد مجھے گاڑی میں زبردستی عقبی سیٹ پر بٹھا کر اردگرد مزکورہ افراد بیٹھ گیے اور تھپڑ مارنے شروع کردیے، تشدد کا نشانہ بناتے ہوئے ایک ڈبل سٹوری مکان میں لے گیے اور تشدد کرتے رہے۔

متاثرہ شہری نے کہا کہ ملزمان نے میرا ہی پسٹل کنپٹی پر رکھ کر ایک دوسرے کو کہا لڑکی بلاؤ اسکی لڑکی کے ساتھ برہنہ ، ویڈیوز بناتے ہیں، ریحان خان سب انسپکٹر نے کہا چھڑایا اور کہا کچھ کے دیکر جان چھڑا کو، ریحان خان سب انسپکٹر نے میرے اکاؤنٹ سے 50 ہزار روپے اپنے اکاؤنٹ میں۔ ٹرانسفر کرلیے پھر پرس سے 70 ہزار روپے بھی نکا لیے۔

متاثرہ شہری نے کہا کہ ریحان سب انسپکٹر نے 45 سو درہم بھی نکال لیے، گاڑی سے تین لاکھ روپے مالیت کے گفٹ بکس،میک بکس ،اصل رجسٹریشن بک ،دو پرفیوم ،پسٹل 30 بور اور لائسنس بھی نکال لیے، تمام اشیاء چھیننے کےبعد دھمکیاں دیتے ہوئے واپس وہیں لاکر چھوڑ دیا۔

سجاد احمد نے کہا کہ ریحان سب انسپکٹر اور اسکے چار ساتھیوں نے نقدی و قیمتی اشیاء چھنی تشدد کا نشانہ بنایا انصاف فراہم کیا جایے، سی پی او راولپنڈی خالد ہمدانی کے سخت نوٹس پر پولیس نے ڈکیتی سمیت دیگر دفعات کے تحت مقدمہ درج کرلیا۔

پولیس نے کہا کہ ریحان سب انسپکٹر کے متعلق معلوم ہوا ہے حال ہی میں انسپکٹر عہدے پر پرموٹ ہوا ہے اور پولیس لائن راولپنڈی میں۔ تعینات ہے، ملزمان کے خلاف مقدمہ درج کرلیاگیا ہے گرفتاری کے لیے چھاپے جاری ہین جلد گرفتار کرلیے جائیں گے۔

مذکورہ کے خلاف درخواست موصول ہونے پر سی پی او سید خالد ہمدانی نے نوٹس لیتے ہوئے مقدمہ درج کرنے کا حکم دیا، سابقہ سب انسپکٹر ریحان کئی ماہ غیر حاضری کی وجہ سے گزشتہ 3 ماہ سے محکمہ سے ڈسمس ہے، ملزم ریحان گزشتہ 3 ماہ سے ڈسمس اور محکمہ کا حصہ نہیں ہے۔

شہری نے درخواست دی تھی کہ ملزم نے اسے روکا، تشدد کا نشانہ بنایا، حبس بے جا میں رکھا اور زبردستی رقم اور دیگر اشیاء چھین لیں، شہری کی درخواست پر ملزم کے خلاف سرقہ بالجبر، حبس بیجا میں رکھنے، خود کو سرکاری ملازم ظاہر کرنے کی دفعات کے تحت مقدمہ کا اندراج کیا گیا ہے، میرٹ پر تفتیش کرتے ہوئے ملزم کو گرفتار کر کے قانون کے کٹہرے میں کھڑا کیا جائے گا،

ترجمان راولپنڈی پولیس نے کہا کہ راولپنڈی پولیس میرٹ اور صرف میرٹ کی پالیسی پر عمل پیرا ہے جسے ہر صورت یقینی بنایا جائے گا،