سلمان خان کا حفاظتی شیشے کے پیچھے سے مداحوں کو عید کی مبارک باد

سلمان خان نے بالکونی سے مداحوں کو عید مبارک کہا جسے شیشے کی حفاظتی اسکرین سے محفوظ بنایا گیا تھا


ویب ڈیسک March 31, 2025
سلمان خان کو قتل کی دھمکیاں ہیں

بالی ووڈ کے بجرنگی بھائی جان کو قتل کی دھمکیوں کا سامنا ہے لیکن یہ دھمکیاں انھیں اپنے مداحوں سے دور نہ کرسکیں۔

دبنگ اسٹار کی ہمیشہ سے یہ روایت رہی ہے کہ وہ اپنے گھر کی بالکونی پر آکر اپنے مداحوں کو ہاتھ ہلاکر اور بآواز بلند عید مبارک کہتے ہیں۔

علاوہ ازیں قریبی دوستوں، رفقا اور شوبز کے ساتھیوں کی گھر آمد کا سلسلہ بھی جاری رہتا ہے جن کی تواضع لذیذ پکوانوں سے کی جاتی ہے۔

بھارت میں سرگرم انڈر ورلڈ کی جانب سے سلمان خان کو قتل کی دھمکیاں ملتی رہتی تھیں لیکن سیاہ ہرن کیس کے بعد سے ایک گینگ ہاتھ دھو کر پیچھے پڑ گیا ہے۔

گینگسٹر لارنس بشنوئی کی ایماء پر سلمان خان پر حملے بھی کیے گئے جس میں اداکار خوش قسمتی سے محفوظ رہے ہیں۔

گزشتہ روز ہی سلمان خان کی فلم سکندر ریلیز ہوئی ہے اور اس موقع پر بھی قتل کی دھمکیوں کے باعث اداکار اپنی تشہیری مہم زور و شور سے نہ چلا سکے تھے۔

تاہم عید پر اپنے مداحوں کو عید مبارک کہنے کے لیے سلمان خان نے خصوصی انتظام کر رکھا تھا۔ جس سے ان کی اپنی مداحوں سے محبت کا اندازہ کیا جا سکتا ہے۔

سلمان خان کی بالکونی میں بلڈ پروف شیشے نصب کروائے ہوئے تھے۔ جس کے عقب سے سلمان خان نے مداحوں کو ہاتھ ہلا کر عید مبارک کہا۔

 

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں

رائے

چانس

Apr 03, 2025 02:24 AM |

اچھی صحت

Apr 03, 2025 02:17 AM |