فوٹو: فائل
غزہ پر جاری اسرائیلی جارحیت میں صبح سے اب تک 39 فلسطینی شہید ہوگئے۔
الجزیرہ کی رپورٹ کے مطابق صبح سے اب تک غزہ اور دیگر علاقوں میں اسرائیل کے فضائی حملوں میں کم از کم 39 فلسطینی شہید جبکہ درجنوں زخمی ہوئے ہیں۔
جنوبی غزہ کے علاقے خان یونس میں 19 جبکہ غزہ سٹی کے زیتون محلے میں 2 افراد شہید ہوئے۔
وسطی غزہ کے دیر البلح میں ایک گھر پر اسرائیلی فضائی حملے کے نتیجے میں 8 فلسطینی شہید جبکہ متعدد زخمی ہوئے ہیں جن میں خواتین اور بچے بھی شامل ہیں۔
طبی ذرائع نے الجزیرہ کو بتایا کہ خان یونس میں 19، غزہ طوفہ اور اطراف میں 10 جبکہ دیر البلح میں 8 فلسطینی شہید ہوئے۔
اس کے علاوہ غزہ سٹی میں اسرائیلی فضائی حملوں میں 2 فلسطینی شہید ہوئے۔
الجزیرہ کی رپورٹ کے مطابق اسرائیلی فورسز نے فضائی حملوں میں رہائشی عمارتوں، پناہ گزین کیمپوں کو نشانہ بنایا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔