رتیش اور جینیلیا کی کامیاب شادی کا راز کیا ہے؟ اداکار نے بتا دیا

ہمارے درمیان 22 سالوں میں کبھی بحث نہیں ہوئی، رتیش

ویب ڈیسک | April 07, 2025

بالی ووڈ اداکار رتیش دیشمکھ نے اہلیہ جینیلیا ڈسوزا کے ساتھ اپنے 22 سالہ رشتے اور کامیاب شادی کا راز بتا دیا۔ 

رتیش اور جینیلیا کی جوڑی کو بالی ووڈ کی سب سے پسندیدہ اور کامیاب جوڑی کہا جاتا ہے کیونکہ ان کا رشتہ کبھی کسی افواہ کا شکار نہیں ہوا اور یہ دونوں مداحوں میں بےحد مقبول ہیں۔

حال ہی میں اپنی کامیاب شادی اور جینیلیا کے ساتھ اپنی بہترین زندگی کے بارے میں بات کرتے ہوئے رتیش نے کہا کہ ان دونوں کے درمیان کبھی کوئی بحث نہیں ہوتی۔ ان کا کہنا تھا کہ کسی چیز کو لے کر ان میں اختلاف رائے ضرور ہوتی ہے مگر کبھی لڑائی یا بحث نہیں ہوتی جس کی وجہ معافی ہے کیونکہ وہ غلطی کسی کی بھی ہو معافی میں پہل کرنے کو ترجیح دیتے ہیں۔ 

رتیش نے کہا کہ اس 22 سالہ تعلق میں ہماری پالیسی یہ ہے کہ ہم کسی بھی بحث کو اگلے دن تک جاری نہیں رکھتے۔ ان کا کہنا تھا کہ جب ان کی بیوی ناراض ہوتی ہے تو وہ خاموشی سے انکی سُنتے ہیں بحث نہیں کرتے اور اگلے دن سب ٹھیک ہوجاتا ہے دونوں گزرے دن کی بات بھول جاتے ہیں۔

اداکار کا کہنا تھا کہ زیادہ تر معاملات میں وہ خود غلطی کرتے ہیں اس لئے معافی میں پہل کرلیتے ہیں۔ رتیش نے کہا کہ شادی کو چلانے کا اچھا طریقہ یہی ہے کہ آپ خود کو غلط مان کر معافی مانگ لیں اور آگے بڑھ جائیں۔ 

یاد رہے کہ رتیش اور جینیلیا ڈسوزا 2012 میں رشتہ ازدواج میں منسلک ہوئے تھے ان کا تعلق 2003 میں فلم کے سیٹ پر شروع ہوا جو دوستی کے بعد محبت میں بدل گیا۔ اس خوبصورت جوڑی کے 2 بیٹے ہیں۔