علامہ اقبال انٹرنیشنل ایئرپورٹ پر کسٹمز حکام نے بڑی کارروائی کرتے ہوئے ایک مسافر سے کروڑوں روپے مالیت کے 95 قیمتی موبائل فون برآمد کر لیے۔
گزشتہ رات شارجہ سے آنے والی نجی ایئرلائن کی پرواز 501-9P پر آنے والے مسافر، سیالکوٹ کے رہائشی ممتاز مظفر کے سامان سے یہ قیمتی موبائل فون برآمد کیے گئے۔
ترجمان کسٹمز کے مطابق یہ کارروائی کلیکٹر کسٹمز طیبہ کیانی کی خفیہ اطلاع پر عمل کرتے ہوئے کی گئی۔ برآمد شدہ موبائل فونز اسمگلنگ کے ذریعے ملک میں لانے کی کوشش کی جا رہی تھی۔
کسٹمز حکام نے مسافر ممتاز مظفر کو حراست میں لے کر اس کے خلاف مقدمہ درج کر لیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔