انسٹاگرام پر محبت؛ امریکی لڑکی شادی کیلئے بھارت کے ایک چھوٹے سے گاؤں پہنچ گئی

امریکی خاتون پیشے کے اعتبار سے فوٹو گرافر ہیں اور بھارتی نوجوان سے 9 سال بڑی ہیں

ویب ڈیسک | April 09, 2025

اپنے دوست سے شادی کیلیے امریکی خاتون شادی بھارت پہنچ گئیں

عشق نہ پوچھے ذات پات، رنگ نسل یا امیری غریبی اور ایسا ہی ایک انوکھا واقعہ پیش آیا ہے بھارتی ریاست آندھرا پردیش کے ایک گاؤں میں جہاں ایک گوری میم دیہاتی نوجوان سے شادی کرنے پہنچ گئیں۔

بھارتی میڈیا کے مطابق آندھرا پردیش کے ایک چھوٹے سے گاؤں میں کافی ہلچل ہے اور یہ بے نام سا گاؤں اب خبروں کی زینت بن چکا ہے۔

اس کی وجہ سماجی رابطے کی ویب سائٹ انسٹاگرام پر پنپنے والی ایک لو اسٹوری ہے۔ جس میں رومیو دیہاتی نوجوان اور جولیٹ امریکی حسینہ ہے۔ 

جوڑے کی انسٹاگرام پر بات چیت کو صرف 14 ماہ ہی ہوئے ہیں جس کا آغاز صرف ایک میسیج Hi سے ہوا تھا۔