نارتھ کیرولائنا کے ایک لاٹری آفس میں 50,000 ڈالرز انعام کا دعویٰ دائر کرنے والا شہری مزید 100,000 ڈالرز جیت گیا۔
کارتھیج کے رہائشی ڈینس پارکس نے نارتھ کیرولائنا ایجوکیشن لاٹری کے حکام کو بتایا کہ وہ اپنی سالگرہ کے موقع پر لاٹری کے گرینزبورو ریجنل آفس اینڈ کلیم سینٹر میں میری ملٹی پلیئر اسکریچ ٹکٹ سے 50,000 ڈالرز کا انعام حاصل کرنے کے لیے گئے تھے۔
انہوں نے بتایا کہ اس سفر میں ان کی بیٹی بھی تھی اور ان کی بیٹی نے بطور سالگرہ گفٹ کے ، ان کیلئے لاٹری ٹکٹ خریدا۔
پارکس نے کہا جیسے ہی میں نے لاٹری ٹکٹ اسکریچ کیا تو اس میں سے 100,000 ڈالرز کا انعام نکلا۔
پارکس نے بتایا کہ میرے خیال میں یہ میرا دن تھا ۔ انہوں نے کہا کہ ان کے دہرے انعامات بلوں کی ادائیگی اور اوہائیو کے خاندانی سفر پر جائیں گے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔