خسرہ سے بچاؤ کیلئے وٹامن اے کا استعمال، حقیقت کیا؟

وٹامن اے کی بابت بات کرنے سے پہلے یہ بیان کرنا ضروری ہے کہ خسرہ کے خلاف بہترین تحفظ خسرہ کی ویکسین ہی ہے۔ اگر آپ کسی ایسے علاقے میں ہیں جہاں خسرہ ایک فعال وباء ہے تو بچے کو چھ ماہ سے پہلے پہلے ویکسین لازمی لگوائیں۔

دوسری جانب ترقی پذیر ممالک میں وٹامن اے کو بھی خسرہ سے متاثر ہونے والے بچوں (خاص طور پر 2 سال سے کم عمر) میں بہتر نتائج کے لیے آزمایا گیا ہے۔

لیکن یہ پہلے سے موجود وٹامن کی کمی کو ظاہر کر سکتا ہے۔ بہتر وسائل والے ماحول میں جیسے امریکہ، جہاں وٹامن اے کی کمی کے کیسز بہت کم ہیں، وٹامن اے سے علاج کے براہ راست ثبوت بہت کم ہیں۔

اٹلی میں ایک ٹرائل سے پتہ چلتا ہے کہ وٹامن اے کی اضافی خوراک کا خسرہ کے طبی کورس پر کوئی خطر خواہ اثر نہیں پڑا۔

سروے سے پتہ چلتا ہے کہ جب کوئی بچہ امریکا میں خسرہ کے لیے اسپتال میں داخل ہوتا ہے تو ڈاکٹروں کے لیے وٹامن اے کے سپلیمنٹ پر غور کرنا اب بھی عام ہے کیونکہ ہمارے پاس کچھ سیٹنگز میں افادیت کے ثبوت موجود ہیں لیکن اس کے محدود منفی پہلو بھی ہیں۔

تاہم یہ صرف ایک ڈاکٹر کی نگرانی میں کیا جانا چاہئے جس میں وٹامنز براہ راست فراہم کیے جائیں گے اور مقدار کی نگرانی کی جائے گی۔