عالیہ اور رنبیر کی شادی کو 3 برس مکمل، خوبصورت تصویر شیئر کردی

اس خوبصورت جوڑی کے مداحوں اور ساتھی فنکاروں کی جانب سے انہیں شادی کی سالگرہ کی مبارکباد دی جارہی ہے

ویب ڈیسک | April 15, 2025

عالیہ اور رنبیر رواں برس اپریل میں شادی کے بندھن میں بندھے تھے، فوٹو: فائل

بالی ووڈ کی معروف اداکارہ عالیہ بھٹ اور رنبیر کپور کی شادی کو 3 برس مکمل ہوگئے۔

معروف اداکارہ عالیہ بھٹ نے شوہر رنبیر کپور کے ساتھ اپنی تیسری شادی کی سالگرہ کے موقع پر ایک خوبصورت تصویر سوشل میڈیا پر شیئر کی ہے۔ تصویر میں رنبیر کیمرے کی طرف دیکھ رہے ہیں جبکہ عالیہ ان کے ساتھ ساحلِ سمندر کے پس منظر میں نظر آ رہی ہیں۔

عالیہ نے تصویر کے ساتھ کیپشن میں لکھا: ’’ہمیشہ کے لیے گھر، ہیپی 3‘‘ 

اس پوسٹ پر عالیہ کی والدہ سونی رازدان نے تبصرہ کیا، ’ شادی کی سالگرہ مبارک ہو‘، جبکہ کرینہ کپور نے لکھا، ’سب سے بہترین لوگ‘۔

اداکار رنویر سنگھ نے دل کے ایموجیز شیئر کیے اور زویا اختر نے لکھا، ’ہیپی 3‘۔

نیپور کپور نے مہندی کی تقریب کی ایک پرانی تصویر انسٹا اسٹاری پر شیئر کرتے ہوئے لکھا، ’میری پیاری جوڑی کو سالگرہ مبارک ہو، تم دنوں کیلئے ڈھیروں خوشیوں بھرے لمحات کی دعا ہے۔‘

اس خوبصورت جوڑی کے مداحوں اور ساتھی فنکاروں کی جانب سے انہیں شادی کی سالگرہ کی مبارکباد دی جارہی ہے اور نیک تمناؤں کا اظہار کیا جارہا ہے۔

یاد رہے کہ عالیہ اور رنبیر نے 14 اپریل 2022 کو ممبئی میں اپنے گھر میں سادگی سے شادی کی تھی۔ فی الوقت یہ جوڑی سنجے لیلا بھنسالی کی فلم Love & War کی شوٹنگ میں مصروف ہے، جس میں وکی کوشل بھی شامل ہیں۔