6 لاکھ کا موبائل فون چوری کرنے کی ویڈیو سامنے آ گئی، ملزم گرفتار

پولیس نے 6 لاکھ روپے مالیت کا موبائل فون چوری کرنے والے ملزم کو گرفتار کرلیا جب کہ چوری کی کیمرے میں ریکارڈ ہونے والی ویڈیو بھی سامنے آ گئی۔

نواب ٹاؤن پولیس نے اطلاع ملنے پر تیز رفتار کارروائی کرتے ہوئے 6 لاکھ روپے مالیت کا موبائل فون چوری کرنے والے ملزم کو گرفتار کیا۔

ملزم کے موبائل فون چوری کرنے کی سی سی ٹی وی ایکسپریس نیوز نے حاصل کرلی، جس میں فہد نامی شہری فارمیسی سے ادویات لیتا نظر آرہا ہے جب کہ سفید شلوار قمیص میں ملبوس ملزم کو بھی موبائل فون چوری کرتے دیکھا جاسکتا ہے۔

واقعے کی اطلاع ملتے ہی ڈی آئی جی آپریشنز فیصل کامران نےملزم کوفوری ٹریس کرنے کا حکم دیا، جس پر نواب ٹاون پولیس نے موبائل لوکیشن کی مدد سے ایک گھنٹے کے اندرموبائل فون برآمد کرلیا۔