ایچ بی ایل پاکستان سپر لیگ 10 میں لاہور قلندرز نے کراچی کنگزکو 65 رنز سے شکست دےد ی۔
نیشنل اسٹیڈیم کراچی میں کھیلے گئے ایونٹ کے چھٹے میچ میں کراچی کنگز 202 رنز کے تعاقب میں 136 رنز بنا کر آؤٹ ہوگئی۔
کراچی کنگز کی جانب سے خوشدل شال 39 رنز بنا کر نمایاں رہے۔ حسن علی 27، شان مسعود 18، ٹِم سائفرٹ 18، ایڈم ملن 16، عرفان خان 6، عباس آفریدی 1 جبکہ کپتان ڈیوڈ وارنر، جیمز ونس اور عرفات منہاس 0 پر آؤٹ ہوئے۔
قلندرز کی جانب سے رشاد حسین اور کپتان شاہین شاہ آفریدی نے 3، 3 جبکہ سکندر رضا نے 2 اور حارث رؤف اور آصف آفریدی نے 1، 1 کھلاڑی کو آؤٹ کیا۔
اس سے قبل لاہور قلندرز نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 201 رنز اسکور کیے تھے۔
قلندرز کی جانب سے فخر زمان 77 رنز بنا کر نمایاں رہے۔ ڈیرل مچل 75، سیم بلنگز 19، محمد نعیم 7، عبداللہ شفیق 6 اور رشاد حسین 2 رنز بنا کر آؤٹ ہوئے۔
سکندر رضا 10 رنز بنا کر ناٹ آؤٹ پویلین لوٹے۔
کراچی کنگز کی جانب سے حسن علی نے 4 جبکہ عباس آفریدی نے 1 وکٹ حاصل کی۔
اسکواڈ:
کراچی کنگز: ڈیوڈ وارنر (کپتان)، ٹِم سائفرٹ (وکٹ کیپر)، جیمز ونس، شان مسعود، عرفان خان نیازی، خوشدل شاہ، عرفات منہاس، عباس آفریدی، ایڈم ملنے، حسن علی، فواد علی
لاہور قلندرز: فخر زمان، محمد نعیم، عبداللہ شفیق، ڈیرل مچل، سیم بلنگز (وکٹ کیپر)، سکندر رضا، شاہین شاہ آفریدی (کپتان)، رشاد حسین، حارث رؤف، آصف آفریدی، زمان خان
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔