واشنگٹن: امریکی صدر ڈونلڈ ٹرمپ نے غیرقانونی امیگرینٹس کے خلاف بڑا قدم اٹھاتے ہوئے نیا ایگزیکٹو آرڈر جاری کردیا ہے، جس کے تحت ایسے افراد جو قانونی دستاویزات نہیں رکھتے، وہ سوشل سیکیورٹی ایکٹ کے تحت کسی قسم کے مالی یا سماجی فوائد حاصل نہیں کرسکیں گے۔
وائٹ ہاؤس کے مطابق، کئی غیرقانونی ورکرز جعلی سوشل سکیورٹی نمبر استعمال کرکے روزگار حاصل کرلیتے ہیں، جس سے نظام کا غلط استعمال ہو رہا ہے۔
دوسری جانب امریکی محکمہ حکومتی استعداد کار نے غیرقانونی امیگرینٹس کی شناخت اور ان کی بے دخلی کے لیے عوام کا ذاتی ڈیٹا جمع کرنا شروع کر دیا ہے، جس میں ان کی رہائش، ملازمت اور تعلیمی اداروں سے متعلق معلومات شامل ہیں۔
امریکی میڈیا نے دعویٰ کیا ہے کہ فلسطین کی حمایت میں مظاہروں میں شریک افراد کا ڈیٹا بھی اکٹھا کیا جا رہا ہے، جس پر شہری آزادی کے تحفظ کے لیے کام کرنے والی تنظیموں نے تشویش کا اظہار کیا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔