
شہر قائد کے علاقے ڈیفنس اور بفرزون میں فائرنگ کے واقعات میں 5 سالہ بچی سمیت 2 افراد زخمی ہوگئے۔
تفصیلات کے مطابق ڈیفنس کے علاقے PNS شفاء اسپتال پیر بازار کے قریب فائرنگ سے ایک شخص زخمی ہوگیا ، زخمی ہونے والے شخص کو طبی امداد کے لیے جناح اسپتال منتقل کیا گیا۔
ترجمان کراچی پولیس کے مطابق زخمی ہونے والے شخص کی شناخت 24 سالہ محمد خلیل ولد اللہ دتہ کے نام سے کی گئی۔
مزید پڑھیں: کراچی، شہر کے مختلف علاقوں میں فائرنگ کے واقعات، 2 افراد زخمی
پولیس کا کہنا ہے کہ فائرنگ کا واقعہ ذاتی رنجش کا شاخسانہ لگتا ہے تاہم تحقیقات کر رہے ہیں۔
ایک اور واقعہ میں تیموریہ کے علاقے بفرزون سیکٹر 16/A گھر میں پراسرار فائرنگ سے 5 سالہ بچی زخمی ہوگئی۔
زخمی ہونے والی بچی کو طبی امداد کے لیے عباسی شہید اسپتال منتقل کیا گیا ، ترجمان کراچی پولیس کے مطابق زخمی ہونے والئ بچی کی شناخت سالہ 5 گل صبحہ دختر محمد یوس کے نام سے کی گئی۔
علاقہ پولیس واقعے کی تحقیقات کر رہی ہے ۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔