شاہ رخ خان نے ایک مرتبہ پھر سلو میاں کو اپنا دوست قرار دے دیا

بالی ووڈ کے کنگ خان اور دبنگ خان کی دوستی اور پھر دشمنی سے کون واقف نہیں۔ فوٹو: فائل

---

بالی ووڈ کے کنگ خان اور دبنگ خان کی دوستی اور پھر دشمنی سے کون واقف نہیں لیکن لگتا ہے کہ اب دونوں اداکاروں کے درمیان موجود دشمنی ختم ہوتی جارہی ہے اس کی تازہ مثال اس وقت سامنے آئی جب شاہ رخ خان نے اقرار کیا کہ سلمان خان ان کے دوست ہیں۔

ممبئی میں پریس کانفرنس کے دوران شاہ رخ خان نے کہا کہ گزشتیہ کئی برسوں سے ان سے پمیشہ سلمان خان سے دوستی سے متعلق ہی سوالات کئے جاتے ہیں جس سے وہ اکتا چکے ہیں۔ ہمارے درمیان دوریاں ہوگئیں تھیں لیکن اب تو ہم جب بھی ملتے ہیں ایک دوسرے سے ہاتھ ملانے کے ساتھ گلےبھی ملتے ہیں جب کہ ہم دونوں کے درمیان پیار اور دوستی بھی ہے۔

شاہ رخ خان نے سلمان خان کو اپنا دوست تو قرار دے دیا ہےاب دیکھنا یہ ہے کہ یہ ان جادو کی جھپیوں کا کمال ہے جو گزشتہ 2 برس سے ہر سال افطار پارٹی میں بالی ووڈ کے دونوں خان ایک دوسرے کو دیتے ہیں یا پھر یہ سلومیاں کی فلم ''کک'' کی کامیابی کا اثر۔