شاہ رخ نے نئے ٹی وی شو ’’دی گوٹ ٹیلنٹ ورلڈ‘‘ کا اعلان کردیا

ممبئی: نئے ٹی وی شو ’’گوٹ ٹیلنٹ ورلڈ‘‘ کے اعلان کے موقع پر اداکار شاہ رخ خان خطاب کر رہے ہیں۔ فوٹو : فائل

---

بالی ووڈ اداکار شاہ رخ خان نے کہا ہے کہ انھیں قابلیت سے بڑھ کر عزت حاصل ہوئی ہے۔

اداکار شاہ رخ خان جن کے دنیا بھر میں مداح موجود ہیں، انھوں نے اپنے حالیہ انٹرویو میں کہا کہ وہ 25 سال سے فلم انڈسٹری کے لیے خدمات سرانجام دے رہے ہیں، آغاز میں انھیں پیسہ، دولت، شہرت، ایوارڈ کی تمنا تھی یہ سب انھیں ملا بلکہ ان کی قابلیت سے بڑھ کر ان کو عزت ملی ہے اب انھیں مداحوں کے چہرے پر مسکان بکھیرنے کا وقت آ گیا ہے انھیں عزت دینے کا وقت آ گیا ہے اس لیے وہ مداحوں کے لیے جلد ٹی وی شو ''دی گوٹ ٹیلنٹ ورلڈ انٹیج'' کی میزبانی کریں گے، وہ اس شو کی عکسبندی محنت اور نئے جوش سے کروا رہے ہیں۔

اداکار نے کہا کہ جب آپ یہ محسوس کر لیں کہ آپ ٹیلنٹ سے بھرپور ہیں تو آپ میں سب کمیاں پوری ہو گئیں تو آپ کا سیکھنے کا عمل ختم ہو جاتا ہے وہ جب بھی کسی سیٹ پر جاتے ہیں آغاز میں نروس ہوتے ہیں اور خود کو نیا ہی محسوس کرتے ہیں اورہر دن کے ساتھ کچھ نیا سیکھنے کی کوشش کرتے ہیں یہی ان کی کامیابی کی وجہ ہے۔ یہ شو جلد ہی بھارتی ٹی وی چینل سے آن ایئر ہو جائے گا۔