کراچی میں مبینہ پولیس مقابلے کے دوران لیاری گینگ وار کا ملزم ہلاک

کراچی میں پولیس اور رینجرز کی جانب سے گزشتہ کئی ماہ کے دوران جرائم پیشہ افراد کے خلاف ٹارگٹڈ آپریشن جاری ہے، فوٹو: فائل

---

SUKKUR: لیاری کے علاقے کلاکوٹ میں مبینہ مقابلے کے دوران لیاری گینگ وار کا ملزم ہلاک ہوگیا۔

ایس ایس پی سٹی کراچی پولیس شیراز نذیر کے مطابق لیاری کے علاقے کلاکوٹ میں مبینہ مقابلہ ہوا جس میں لیاری گینگ وارکا ملزم ہلاک ہوگیا۔ مقتول کی شناخت نبیل کے نام سے ہوئی ہے اور مقتول بھتاخوری اورٹارگٹ کلنگ کی کئی وارداتوں میں ملوث تھا۔

واضح رہے کہ کراچی میں پولیس اور رینجرز کی جانب سے گزشتہ کئی ماہ کے دوران جرائم پیشہ افراد کے خلاف ٹارگٹڈ آپریشن جاری ہے جس کے نتیجے میں شہر میں امن و امان کی صورت حال قدرے بہتر ہوئی ہے۔