شمالی وزیرستان میں امریکی ڈرون حملے میں 6 افراد ہلاک 2 زخمی

رواں برس اب تک امریکا قبائلی علاقوں میں 7 ڈرون حملے کرچکا ہے۔ فوٹو: فائل

---

دتہ خیل میں امریکی ڈرون حملے سے 6 افراد ہلاک جبکہ 2 زخمی ہوگئے ہیں۔

ایکسپریس نیوز کے مطابق شمالی ویرستان کی تحصیل دتہ خیل کے علاقے لواڑہ منڈی میں امریکی ڈرون طیاروں نے ایک مکان اور گاڑی پر 4 راکٹ داغے جس سے مکان اور گاڑی مکمل طور پر تباہ جبکہ اس میں موجود 6 افراد ہلاک اور 2 زخمی ہوگئے۔ ،میزائل حملے کے بعد بھی علاقے میں ڈرون طیاروں کی پروازیں جاری ہیں۔

واضح رہے کہ حکومت کی جانب سے کالعدم تحریک طالبان پاکستان سے مذاکرات کے دوران ڈرون حملے بند ہوگئے تھے تاہم مذاکرات کے خاتمے کے بعد اس کا سلسلہ ایک مرتبہ پھر شروع ہوگیا جب کہ رواں برس اب تک 7 ڈرون حملے ہوچکے ہیں۔