مسافروں نے ٹرین کو دھکا لگاکر نیچے پھنسا شخص بچالیا

پرتھ اسٹیشن پر ٹرین میں چڑھتے ہوئے ایک مسافر کا پائوں پھسل گیا اور وہ پلیٹ فارم اور ٹرین کے درمیان پھنس گیا تھا۔

---

آسٹریلیا میں مسافروں نے ٹرین کو دھکا دے کر کھسکایا اور ٹرین اور پلیٹ فارم کے درمیان پھنسے شخص کو بچالیا۔

آسٹریلوی میڈیا کے مطابق پرتھ اسٹیشن پر ٹرین میں چڑھتے ہوئے ایک مسافر کا پائوں پھسل گیا اور وہ پلیٹ فارم اور ٹرین کے درمیان پھنس گیا، ٹرین ڈرائیور کو اطلاع دی گئی کہ وہ ٹرین نہ چلائے ،سیکیورٹی اہلکار آگئے اور مسافر کا پائوں نکالنے کی کوشش کی ، لیکن ناکام رہے ، دیکھتے ہی دیکھتے لوگوں کا رش لگ گیا، پھر سب مسافروں نے ٹرین کو دھکا لگایا اور وہ صاحب اپنا پاوں نکالنے میں کامیاب ہوگئے ، خوش قسمتی سے انھیں کو کوئی چوٹ بھی نہیں آئی۔