آزادی مارچ رکوانے کی درخواستوں کی سماعت کے لئے لاہور ہائیکورٹ کا فل بینچ تشکیل

جسٹس خالد محمود خان نے چیف جسٹس لاہور ہائی کورٹ سے فل بینچ تشکیل دینے کی سفارش کی تھی۔ فوٹو: فائل

---

تحریک انصاف کا آزادی مارچ رکوانے کے لئے دائر درخواستوں کی سماعت کے لئے لاہور ہائی کورٹ کا فل بینچ تشکیل دے دیا گیا ہے۔

چیف جسٹس لاہور ہائی کورٹ نے جسٹس خواجہ امتیازاحمد نے جسٹس خالد محمود خان کی سربراہی میں عدالت عالیہ کا 3 رکنی فل بینچ تشکیل دے دیا ہے، بینچ میں جسٹس خالد محمود خان کے علاوہ جسٹس انوارالحق اور جسٹس شاہد حمید ڈار بھی شامل ہیں، فل بینچ 14 اگست کو ہونے والے تحریک انصاف کے آزادی مارچ کو رکوانے کے لئے دائر درخواستوں کی سماعت کرے گا۔

واضح رہے کہ آزادی مارچ کو رکوانے کے لئے دائر درخواستوں کی سماعت جسٹس خالد محمود خان کررہے تھے تاہم بعد میں انہوں نے چیف جسٹس لاہور ہائی کورٹ سے ان درخواستوں کی سماعت کے لئے فل بینچ تشکیل دینے کی سفارش کی تھی۔