چکلالہ ریلوے اسٹیشن پر ٹرین سے 3 مبینہ دہشتگردگرفتار بارودی مواد اورخودکش جیکٹ برآمد

تینوں دہشتگردوں کا تعلق قبائلی علاقے سے ہے ، سیکیورٹی ذرائع فوٹو: فائل

---

لاہور: حساس ادارے کے اہلکاروں نے چکلالہ ریلوے اسٹیشن پر ٹرین میں سوار 3 دہشتگردوں کو حراست میں لے کر ان کے قبضے سے بارودی مواد اور خودکش جیکٹس برآمد کرلیں۔

ایکسپریس نیوز کے مطابق حساس اداروں کے اہلکاروں نے چکلالہ ریلوے اسٹیشن پر راولپنڈی سے لاہور جانے والی ٹرین میں سوار 3 مبینہ دہشتگردوں کو حراست میں لے لیا۔ کارروائی کے دوران دہشتگردوں کے دوران خودکش جیکٹس اور بارودی مواد بھی برآمد کیا گیا ہے۔

سیکیورٹی ذرائع کا کہنا ہے کہ تینوں دہشت گردوں کا تعلق قبائلی علاقے سے ہے اور یہ راولپنڈی ریلوے اسٹیشن سے ٹرین میں سوار ہوئے تھے، دہشتگرد ممکنہ طور پر لاہور یا پنجاب کے کسی دوسرے علاقے میں دہشتگردی کی کارروائی کرنا چاہتے تھے جو ناکام بنادی گئی ہے۔