فلم ’’دعوت عشق‘‘ 5 نہیں اب 19 ستمبر کو ریلیز ہوگی

منفرد مارکیٹنگ آئیڈیا پر عملدرآمد کے لیے مزید وقت درکار تھا اس لیے تاخیر کی گئی۔ فوٹو: فائل

---

بالی ووڈ کی نئی فلم ''دعوت عشق '' جو کہ پہلے 5 ستمبر کو ریلیز ہونا تھی اب 19 ستمبر کو سینما گھروں کی زینت بنے گی۔

یش راج فلمز کی طرف سے جاری کردہ ایک بیان کے مطابق فلم کی تاریخ اس لء تبدلی کی گئی ہے کیونکہ یش راج فلمز کو اس فلم کی پروموشن کے لیے ایک منفرد مارکیٹنگ آئیڈیا اختیار کرنا پڑ رہا ہے جس پر عملدرآمد کے لیے مزید وقت درکار ہے۔

اس فلم کو لکھا حبیب فیصل نے ہے جب کہ اس کی ڈائریکشن بھی خود ہی دی ہے' فلم کو آدیتیہ چوپڑا پروڈیوس کر رہے ہیں جب کہ مرکزی کردار آدیتیہ رائے کپور اور پرینتی چوپڑا نبھا رہے ہیں۔ اس فلم میں انوپم کھیر اور ٹی وی اسٹار کرن واہی بھی کام کر رہے ہیں۔