بچے نے 9 فٹ لمبے مگرمچھ کو مار بھگایا

جیمز بارنی اس لڑائی میں زخمی بھی ہو گئے اور اب آرنلڈ پلمر اسپتال میں زیرعلاج ہیں۔

Net News August 12, 2014

جیمز بارنی اس لڑائی میں زخمی بھی ہو گئے اور اب آرنلڈ پلمر اسپتال میں زیرعلاج ہیں۔ فوٹو : فائل

امریکی ریاست فلوریڈا میں ایک نو سالہ بچے نے نہ صرف 9 فٹ لمبے مگرمچھ سے جان بچائی بلکہ اسے مار بھگایا۔

جیمز بارنی اس لڑائی میں زخمی بھی ہو گئے اور اب آرنلڈ پلمر اسپتال میں زیرعلاج ہیں۔ اسں نے اس واقعے کے تفصیل بتاتے ہوئے کہا وہ اپنے دوستوں کے ساتھ سائیکل چلا رہا تھا کہ اس دوران انھوں نے جھیل میں نہانے کا فیصلہ کیا۔ بارنی سینٹ کلاؤڈ کی ٹوہو جھیل میں نہا رہے تھے کہ اس دوران انھیں لگا کہ ان کے ساتھ کوئی کھیل رہا ہے اور پھر انھیں کچھ سمجھ نہیں آیا کہ کیا ہوا۔ بارنی کے مطابق انھوں نے پانی میں ہاتھ ڈالا اس چیز کو پکڑنے کی کوشش کی تو ایک مگرمچھ کے جبڑے اور دانتوں پر ہاتھ لگا۔

'اس موقع پر مجھے کچھ سمجھ نہیں آیا کہ کیا کرنا چاہیے لیکن فوراً سنبھل کر مگرمچھ کو مارنا شروع کر دیا۔ اور اس دوران میں تھوڑی ہمت کر کے مگرمچھ کا جبڑا تھوڑا سا کھولا اور بچ نکلنے میں کامیاب ہو گیا۔ جیمز بارنی کا علاج کرنے والے ڈاکٹر کے مطابق بارنی کو دانتوں اور پنجوں کے 30 زخم آئے ہیں اور مگرمچھ کا ایک دانت ان کی جلد میں رہ گیا تھا۔