خیالی پلاؤ نظم ہماری یوم آزادی

ہم سبز ہلالی پرچم کو ہر سمت یونہی لہراتے رہیں، ہر بستی میں ہر نگری میں خوشیوں کے ترانے گاتے رہیں۔

پروفیسر سیما سراج August 14, 2014

ہم سبز ہلالی پرچم کو ہر سمت یونہی لہراتے رہیں، ہر بستی میں ہر نگری میں خوشیوں کے ترانے گاتے رہیں۔ فوٹو اے پی پی

تاریخ سدا آزادی کی
ہم سب کے دلوں کو یاد رہے
یہ جان سے پیارا پاک وطن
آزاد رہے آزاد رہے
ہم سبز ہلالی پرچم کو
ہر سمت یونہی لہراتے رہیں
ہر بستی میں ہر نگری میں
خوشیوں کے ترانے گاتے رہیں
اس گلشن کا ہر اک گوشہ
خوشبوئے وفا سے شاد رہے
یہ جان سے پیارا پاک وطن
آزاد رہے آزاد رہے
خوشحالی اور ترقی کے
ارمان جو پیارے پیارے ہیں
تعمیر وطن کے جذبے سے
روشن جو خواب ہمارے ہیں
ان خوابوں ان ارمانوں کی
پرکیف لگن آباد رہے
یہ جان سے پیارا پاک وطن
آزاد رہے آزاد رہے

نوٹ: روزنامہ ایکسپریس اور اس کی پالیسی کا اس بلاگر کے خیالات سے متفق ہونا ضروری نہیں ہے۔

اگر آپ بھی ہمارے لئے نظم لکھنا چاہتے ہیں تو قلم اٹھائیے اور اپنی تحریر اپنی تصویر، مکمل نام، فون نمبر ، فیس بک اور ٹویٹر آئی ڈیز اوراپنے مختصر مگر جامع تعارف کے ساتھ [email protected] پر ای میل کریں۔ نظم کے ساتھ تصاویر اورویڈیو لنکس بھی بھیجے جا سکتے ہیں۔