ارسلان افتخارکیسملک ریاض کی نظرثانی کی درخواست سماعت کیلئے منظور

سپریم کورٹ نے شعیب سڈل کمیشن کےخلاف ملک ریاض کی جانب سے نظرثانی کی درخواست سماعت کیلئےمنظورکرلی


جسٹس جواد ایس خواجہ اور جسٹس خلجی عارف حسین پرمشتل دورکنی بینچ نے ملک ریاض کی شعیب سڈل کمیشن کے خلاف نظرثانی کی درخواست سماعت کے لئے منظوررکرلی اس سے قبل شعیب سڈل کمیشن کے خلاف ملک ریاض کے وکیل زاہد بخاری نے نظرثانی کی درخواست دی تھی جسے رجسٹرار آفس نے اعتراضات کے ساتھ واپس کردیا تھا۔

واضح رہے کہ ارسلان افتخار کیس میں عدالت نے تحقیقات نیب سے واپس لے کر شیعب سڈل کمیشن کے حوالے کی تھی جس پرملک ریاض کے وکیل زاہد بخاری نے اعتراض کیا تھا اورکہا تھا کہ شعیب سڈل کے ارسلان افتخار سے گھریلو تعلقات ہیں جس کی بنیاد پروہ اس کیس کی غیرجانبدارانہ تحقیقات نہیں کرسکتے۔