سینما گھر جلائے جانے کی ذمہ دارصوبائی حکومت ہے سینما مالکان

سینما گھروں کے مالکان نے پریس کانفرنس میں کہا کہ صوبائی حکومت نے مطالبہ کے باوجود سینما گھروں کو سیکیورٹی فراہم نہیں کی۔ فوٹو: اشرف میمن/ ایکسپریس

---

یوم عشق رسولﷺ منانے کے دن گستاخانہ فلم کے خلاف احتجاج کےدوران جلائے گئے چھ سینما مالکان نے اپنے نقصان کاذمہ دارصوبائی حکومت کوقرار دے دیا۔

کراچی میں پریس کانفرنس کرتے ہوئے سینما مالکان نے کہا کہ یہ سب سوچےسمجھےمنصوبےکےتحت کیاگیا تھا۔ سینمامالکان نے اس معاملے پر انکوائری کمیشن بنانےکا بھی مطالبہ کیا اور کہا ہے کہ کمیشن کی رپورٹ صدر، وزیراعظم اور وزیراعلیٰ کو پیش کی جائے۔

سینما مالکان نے کہا کہ انہوں نے متعدد بار صوبائی حکومت سے سینماؤں کے لئے سیکیورٹی فراہم کرنے کا مطالبہ کیا تھا مگر صوبائی حکومت نے اس سلسلے میں کوئی توجہ نہیں دی جس کےنتیجےمیں یہ نقصان ہوا۔