پاکستان میں تعینات امریکی ناظم الامور مس نٹالی اے بیکر نے نائب وزیراعظم و وزیر خارجہ سینیٹر محمد اسحاق ڈار سے ملاقات کی۔
تفصیلات کے مطابق ملاقات میں خطے کی بدلتی صورتحال اور پاکستان امریکا دوطرفہ تعلقات پر تبادلہ خیال کیا گیا۔ اسحاق ڈار نے امریکا اور ایران کے درمیان رابطوں میں سہولت کاری کے حوالے سے پاکستان کے کردار کو اجاگر کیا۔
اسحاق ڈار کا کہنا تھا کہ جاری سفارتی کوششیں خطے اور دنیا میں امن و استحکام کے فروغ میں معاون ثابت ہوں گی۔
نائب وزیراعظم نے سنگاپور کے ذریعے پاکستانی اور ایرانی بحری عملے کی وطن واپسی میں امریکی تعاون کو بھی سراہا۔
ملاقات میں باہمی دلچسپی کے امور اور علاقائی صورتحال پر بھی گفتگو کی گئی۔
