پاکستان اور آسٹریلیا ون ڈے انٹرنیشنل سیریز کے ٹکٹوں کی فروخت 22 مئی سے شروع ہوگی۔
تفصیلات کے مطابق شائقین کرکٹ آن لائن ٹکٹ پی سی بی کی ویب سائٹ سے خرید سکیں گے۔
پاکستان اور آسٹریلیا کے درمیان پہلا ون ڈے انٹرنیشنل 30 مئی کو راولپنڈی میں کھیلا جائے گا۔
دوسرا اور تیسرا ون ڈے 2 اور 4 جون کو قذافی اسٹیڈیم لاہور میں ہوگا۔
جنرل انکلوژر کے ٹکٹ کی قیمت 200 روپے مقرر کی گئی ہے۔ فرسٹ کلاس ٹکٹ 300، پریمیئم 400 اور وی آئی پی ٹکٹ 500 روپے میں دستیاب ہوں گے۔
راولپنڈی میچ کے لیے وی آئی پی گیلری ٹکٹ 1500 روپے میں دستیاب ہوگا۔
لاہور میں اقبال اینڈ وی آئی پی ٹکٹ 1000 روپے اور جناح اینڈ وی آئی پی ٹکٹ 1500 روپے میں دستیاب ہوگا۔
کارپوریٹ اور ہاسپیٹیلٹی نشستوں کے لیے پی سی بی ہیڈ آفس سے رابطہ کیا جا سکتا ہے۔
