حکومتی کفایت شعاری مہم کے تحت کاروباری اوقات کار کی تبدیلی سے متعلق زیر گردش نوٹیفکیشن کو جعلی قرار دے دیا گیا۔
ضلعی انتظامیہ کے مطابق وفاقی دارالحکومت میں کاروباری اوقات کار میں تبدیلی کا کوئی نوٹیفکیشن جاری نہیں کیا گیا۔
ترجمان ضلعی انتظامیہ کا کہنا ہے کہ اسلام آباد میں کاروباری اوقات کار حکومتی کفایت شعاری مہم کے تحت ہی برقرار رہیں گے۔
ضلعی انتظامیہ کے مطابق کاروباری اوقات کار میں کسی بھی تبدیلی کی صورت میں باقاعدہ نوٹیفکیشن جاری کیا جائے گا۔
