عمران خان کے دھاندلی کے الزامات الیکشن کمیشن نے اجلاس 26 اگست کو طلب کرلیا

26 اگست کو طلب کئے گئے اجلاس کی سربراہی قائم مقام چیف الیکشن کمیشن جسٹس انور ظہیر جمالی کریں گے فوٹو: فائل

---

الیکشن کمیشن نے تحریک انصاف کے چیئرمین عمران خان کی جانب سے 2013 کے عام انتخابات میں دھاندلیوں کے الزامات پر 26 اگست کو اہم اجلاس طلب کرلیا۔

ایکسپریس نیوز کے مطابق 26 اگست کو طلب کئے گئے اجلاس کی سربراہی قائم مقام چیف الیکشن کمیشن جسٹس انور ظہیر جمالی کریں گے، اجلاس میں چاروں صوبائی الیکشن کمشنر کے علاوہ دیگر اعلیٰ حکام بھی شرکت کریں گے۔ اجلاس میں بیلٹ پیپرزکی چھپائی سے متعلق عمران خان کے الزامات کا بھی جائزہ لیا جائے گا۔

واضح رہے کہ عمران خان نے الیکشن کمیشن کے کچھ اعلیٰ حکام پر الزام لگایا تھا کہ انہوں نے انتخابات سے دو روز قبل جعلی بیلٹ پیپرز چھپوا کر مسلم لیگ (ن) کے حوالے کئے تھے۔