مشیر وزیر خزانہ خرم شہزاد نے کہا ہے کہ پاکستان میں سرمایہ کاری کے حصول کیلئے اپنا پہلا ڈائیورسفائیڈ پیمنٹ رائٹس (ڈی پی آر) پروگرام متعارف کرا دیا گیا ہے.
تفصیلات کے مطابق خرم شہزاد کا کہنا تھا کہ ڈی پی آر پروگرام عالمی سرمایہ کاروں سے غیر ملکی کرنسی میں طویل مدتی فنانسنگ حاصل کرنے کا جدید مالیاتی ذریعہ ہے. اسی سلسلے میں آئی ایف سی اور بینک الفلاح کے درمیان پروجیکٹ معاہدہ طے پایا.
انہوں نے کہا کہ ڈی پی آر پروگرام کے تحت ابتدائی طور پر 100 ملین امریکی ڈالر تک کی فنانسنگ دستیاب ہوگی، پروگرام سے پاکستان کے مالیاتی ذرائع میں تنوع، عالمی سرمایہ کاروں تک رسائی اور پیداواری سرمایہ کاری کو فروغ ملے گا.
مزید برآں ڈی پی آر ماڈل دیگر پاکستانی بینکوں کیلئے عالمی سرمایہ مارکیٹس سے منسلک ہونے کی نئی مثال قائم کرے گا.
