کراچی میں تیز رفتار بس اور کار میں تصادم سے خاتون جاں بحق ایک شخض زخمی

بس کو قبضے میں لے کر اس کے مالک اور ڈرائیور کا پتہ لگانے کے لئے کارروائی کا آغاز بھی کر دیا ہے، پولیس۔ فوٹو؛ ایکسپریس نیوز

---

طارق روڈ پر تیز رفتاری کے باعث مسافر بس نے کار کو ٹکر مار دی جس کے نتیجے میں ایک خاتون جاں بحق جب کہ ایک شخص زخمی ہو گیا۔

ایکسپریس نیوز کے مطابق کراچی کے علاقے طارق روڈ پر لبرٹی چوک کے قریب تیز رفتاری کے باعث مسافر بس کار میں جا گھسی جس کے نتیجے میں ایک خاتون جاں بحق جب کہ ایک شخص زخمی ہو گیا۔ امدادی ٹیموں کے اہلکاروں نے زخمی ہونے والے شخص کو فوری طور پر جناح اسپتال منتقل کیا جہاں ڈاکٹرز کے مطابق اس کی حالت تشویشناک ہے اور اسے طبی امداد دی جا رہی ہے۔ حادثے میں جاں بحق ہونے والی خاتون کی شناخت نہیں ہو سکی جب کہ ڈرائیور موقع سے فرار ہو گیا۔

پولیس حکام کا کہنا ہے کہ واقعے کا مقدمہ درج کر لیا گیا ہے جب کہ بس کو قبضے میں لے کر اس کے مالک اور ڈرائیور کا پتہ لگانے کے لئے کارروائی کا آغاز بھی کر دیا ہے۔