والدہ نے ناراضگی کا اظہار کیا ہے مستعفی نہیں ہوں گا جمشید دستی

جمشید دستی نے موجودہ دھرنوں اور مارچوں سے بیزاری ظاہرکر تے ہوئے اس کا پائیدار سیاسی حل تلاش کرنے کی ضرورت پر زور دیا۔ فوٹو: فائل

---

مظفرگڑھ سے آزاد رکن قومی اسمبلی جمشید دستی نے کہا ہے کہ موجودہ سیاسی بحران میں فوج کی آمد ایک حیران کن بات ہوگی جس سے فوج کاملک وقوم کی نظرمیں وقار متاثر ہوگا۔

بدھ کو ''ایکسپریس''سے خصوصی بات چیت کر تے ہوئے انھوں نے کہا کہ عمران خان نے میرا استعفیٰ قومی اسمبلی سیکریٹریٹ میں جمع نہیں کرایا، اس لیے میں ابھی بھی رکن قومی اسمبلی ہوں۔ جمشید دستی کا کہنا تھا کہ مجھے لاکھوں لوگوں نے منتخب کیا ہے مستعفی نہیں ہوں گا، اپنے علاقے کی نمائندیگ کرتا رہوں گا، والدہ نے استعفیٰ دینے پر ناراضی کا اظہار کیا ہے۔ انھوں نے موجودہ دھرنوں اور مارچوں سے بیزاری ظاہرکر تے ہوئے اس کا پائیدار سیاسی حل تلاش کرنے کی ضرورت پر زور دیا۔