میکسیکو کے اسٹار میٹیو شاویز کو میچ کے دوران اپنے امریکی حریف کے چہرے پر دونوں ہاتھوں سے تھپڑ مارنے پر ریڈ کارڈ دے کر میدان سے باہر بھیج دیا گیا۔
شاویز نے67 ویں منٹ میں سباستین برہالٹر کو دونوں ہاتھوں سے تھپڑ مارا، جس پر ریفری نے انہیں ریڈ کارڈ دکھا دیا۔
اس کے بعد میکسیکو کو اپنے شمالی امریکی حریف کے ہاتھوں 3-0 سے شکست کا سامنا کرنا پڑا۔
شاویز کا یہ عجیب واقعہ شاید بڑھتے ہوئے غصے کا نتیجہ تھا کیونکہ امریکی ٹیم میکسیکو پر مکمل طور پر حاوی تھی۔
یہ جھگڑا جلد ہی سوشل میڈیا پر وائرل ہوگیا اور فٹبال مداح دونوں ہاتھوں سے مارے گئے اس انوکھے تھپڑ پر خوب ہنسے۔
ایک مداح نے لکھا:
"یہ دیکھ کر میری ہنسی نہیں رک رہی، آخر وہ سوچ کیا رہا تھا؟"
دوسرے نے کہا:
"ہنس ہنس کر میری آنکھوں میں آنسو آ رہے ہیں!"
تیسرے نے لکھا:
"ہاہاہا، میٹیو شاویز نے اسے تھپڑ کیسے مار دیا؟"
جبکہ چوتھے نے مذاقاً کہا:
"لگتا ہے مچھر مار رہا تھا۔"
میکسیکو کے لیے یہ ایک ایسی رات تھی جسے وہ جلد بھولنا چاہیں گے۔ دس کھلاڑیوں کے ساتھ کھیلتے ہوئے انہیں 3-0 کی بری شکست کا سامنا کرنا پڑا۔
