SUKKUR:
بالی ووڈ کے معروف اداکار شاہ رخ خان کو انٹرپول کی جرائم کے خاتمے کے حوالے سے چلائی جانے والی مہم ''ٹرن بیک کرائم'' کا سفیر مقرر کردیا گیا ہے۔
شاہ رخ خان نے کہا کہ انٹرپول کی جرائم کے خلاف مہم کا سفیر مقرر ہونا ان کے لئے بہت اعزاز کی بات ہے۔ انہوں نے کہا کہ ہم سب کو دنیا سے جرائم کے خاتمے کے حوالے سے مہاتما گاندھی کی تعلیمات کو یاد رکھتے ہوئے دنیا سے جرائم کے خاتمے کے لئے ہر ممکن کوشش کرنی چاہئے اور جرم اور جرائم پیشہ افراد کے خلاف ڈٹ جانا چاہئے۔
دوسری جانب انٹرپول کے سربراہ کا کہنا تھا کہ شاہ رخ خان کا جرائم کے خلاف مہم کا حصہ بننا ہمارے لئے بڑے اعزاز کی بات ہے، انہوں نے ہمیشہ اپنی فلموں اور کرداروں سے کروڑوں لوگوں کو خوش کیا اور ہم امید کرتے ہیں کہ وہ اس مہم میں بھی اپنی فنکارانہ صلاحیتوں سے نئی روح پھونک دیں گے۔