دھرنا ختم کردیا تو نواز شریف پر دباؤ ختم ہو جائے گا عمران خان

شہباز شریف سانحہ ماڈل ٹاؤن کی تحقیقات ثبوتاژ کرنے کی کوشش کر رہے ہیں، عمران خان۔ فوٹو: فائل

---

پاکستان تحریک انصاف کے چیرمین عمران خان کاکہنا ہے کہ دھاندلی کی تحقیقات کے لئے نواز شریف پر اعتماد نہیں کر سکتے کیونکہ نواز شریف گواہوں کو خرید لیتے ہیں یا ڈراتے ہیں۔

سماجی رابطوں کی ویب سائٹ پر جاری اپنے پیغام میں عمران خان کا کہنا تھا کہ دھاندلی کی تحقیقات کے لئے نواز شریف پر اعتماد نہیں کرسکتے، حکمران تحقیقات کو ثبوتاژ کرنے کے لئے کچھ بھی کر سکتے ہیں۔ عمران خان کا کہنا تھا کہ اگر ایک بار یہاں سے اٹھ گئے تو نواز شریف کے اوپر سے پریشر ختم ہو جائے گا، نواز شریف کا ماضی گواہ ہے کہ وہ گواہوں کو خرید لیتے ہیں یا پھر انھیں ڈراتے ہیں جب کہ شہباز شریف سانحہ ماڈل ٹاؤن کی تحقیقات ثبوتاژ کرنے کی کوشش کر رہے ہیں۔

We cannot trust NS with investigation on rigging.Once we leave & pressure is off, he will do everything 2 sabotage investigation process 1/2

— Imran Khan (@ImranKhanPTI) August 30, 2014

2/2 Past record of Sharifs shows they will buy/scare witnesses. SS is already sabotaging the Model Town murders' FIR

— Imran Khan (@ImranKhanPTI) August 30, 2014

عمران خان کا کہنا تھا کہ نواز شریف کا ماضی جھوٹ سے بھرا پڑا ہے، انھوں نے ایٹمی دھماکوں کے بعد پاکستان کے کرنسی اکاؤنٹس منجمد کرنے کے حوالے سے جھوٹ کہا، سعودی عرب جانے کے لئے جو ڈیل کی اس پر بھی قوم سے جھوٹ بولا۔ اس کے علاوہ 2008 کے انتخابات میں حصہ نہ لینے کے اپنے فیصلے سے مکر گئے۔

NS has history of lying: freezing For Currency accts after nuc tests; lying abt deal 2 escape 2 KSA; backtracking on 2008 election boycott.

— Imran Khan (@ImranKhanPTI) August 30, 2014