پولیس کارروائیوں میں 85 ملزمان گرفتار اسلحہ اور منشیات برآمد

پولیس کی چکرا گوٹھ میں جرائم پیشہ افراد کی اطلاع پر کارروائی، علاقے کا محاصرہ۔ فوٹو: فائل

---

FAISALABAD: پولیس نے مختلف علاقوں میں سرچ آپریشن، چھاپہ مار کارروائیوں اور پولیس مقابلوں کے دوران 85 ملزمان کو گرفتار کر کے اسلحہ اور منشیات برآمد کر لی۔

تفصیلات کے مطابق کورنگی پولیس نے چکرا گوٹھ میں جرائم پیشہ عناصر کی موجودگی کی اطلاع پر ہفتے کی صبح محاصر ہ کرکے سرچ آپریشن کیا اور 9 مشتبہ افراد کو گرفتار کر کے اسلحہ برآمد کر لیا، محاصرے کے دوران علاقے میں پولیس کی بھاری نفری تعینات کی گئی تھی۔

سرچ آپریشن کے لیے خواتین اہلکاروں کی مدد بھی لی گئی تھی ، کراچی پولیس ترجمان کے مطابق 24 گھنٹوں کے دوران پولیس نے مختلف علاقوں میں 88 چھاپہ مار کارروائیوں اور 4 پولیس مقابلوں کے دوران 76 ملزمان کو گرفتار کر کے ان کے قبضے سے مختلف اقسام کے16 ہتھیار ، 2 کلو100 گرام چرس اور 44 بوتل ملکی وغیر ملکی شراب برآمد کرلی، گرفتار ملزمان ڈکیتی، چوری، قتل، بھتہ وصولی اور دیگر جرائم میں ملوث تھے، پولیس نے 12 مفرور واشتہاری ملزمان کو بھی حراست میں لیا ہے۔