آرمی چیف نے وزیر اعظم کو مستعفی ہونے کا مشورہ نہیں دیا ترجمان پاک فوج

استعفیٰ یا چھٹوں پر جانے کی باتیں محض افواہیں ہیں۔ ترجمان پاک فوج فوٹو رائٹرز/فائل

---

ڈی جی آئی ایس پی آر میجر جنرل عاصم باجوہ نے آرمی چیف کی جانب سے وزیر اعظم نواز شریف کو مستعفی ہونے کے مشورے دینے سے خبروں کی تردید کردی ہے۔

سماجی رابطے کی ویب سائیٹ ٹویٹر پر اپنے پیغام میں ڈی جی آئی ایس پی آر میجر جنرل عاصم باجوہ نے کہا ہے کہ آرمی چیف اور وزیر اعظم کے درمیان پیر کے روز ہونے والی ملاقات میں آرمی چیف نے وزیراعظم سے کوئی استعفیٰ یا چھٹیوں پر جانے کی بات نہیں کی، اس بارے میں میڈیا میں ہونے والی باتیں محض افواہیں ہیں اور اس کا حقیقت سے کوئی تعلق نہیں۔

PM-COAS meeting:News of #Army #Chief asking #PM to resign or going on leave is baseless

— Gen(R) Asim Saleem Bajwa (@AsimBajwaISPR) September 1, 2014

واضح رہے کہ وزیر اعظم نواز شریف اور آرمی چیف جنرل راحیل شریف کے درمیان طویل ملاقات ہوئی تھی جس میں ملک میں جاری بحران کے خاتمے پر تبادلہ خیال کیا گیا، ملاقات کے بعد افواہ پھیل گئی تھی کہ آرمی چیف نے وزیر اعظم کو مستعفی ہونے کا مشورہ دیا ہے۔