جاویدہاشمی کوہٹانے کے لیے تحریک انصاف پر پارٹی آئین کی پابندی لازمی

تحریک انصاف الیکشن کمیشن کے پاس جاویدہاشمی پارٹی کوصدرتسلیم کر چکی ہے اورجاویدہاشمی کانام بطورصدرجماعت درج ہے۔


ایسی صورت میں تحریک انصاف کو جاوید ہاشمی کوعہدے سے ہٹانے کیلئے پارٹی آئین کو فالو کرنا ہو گا ۔الیکشن کمیشن ذرائع مطابق جاوید ہاشمی کو الیکشن کمیشن کے ریکارڈ سے صدر کے عہدے سے ہٹائے جانے کیلئے پارٹی آئین کے تحت چیئرمین کوالیکشن کمیشن کو تحریری طورپرفیصلے سے آگاہ کرناہوگا لیکن اس فیصلے میں جماعت کے آئین کومد نظر رکھنے یانہ رکھنے کے حوالے سے اگر جاوید ہاشمی کو اعتراض ہواتو وہ جماعت کے فیصلے کو الیکشن کمیشن میں چیلنج کرسکیں گے۔

ترجمان الیکشن کمیشن کے مطابق جب تک تحریک انصاف کی جانب سے جاویدہاشمی کو عہدے سے ہٹانے کے حوالے سے پی ٹی آئی کے آٗین کے تحت عہدے دار کوہٹانے کے طریقہ کار کے مطابق اپنے فیصلے سے آگاہ نہیں کرتے اس وقت جاوید ہاشمی کو الیکشن کمیشن میں رجسٹرڈجماعت کے عہددارسے ہٹایا نہیں جا سکتا ہے ۔