عوامی تحریک کی کارکنان کو پاک سیکریٹریٹ کی جانب بڑھنے کی ہدایت

عوامی تحریک كی جانب سے كاركنوں كو پاک سیكرٹریٹ كی جانب بڑھنے كی ہدایت كردی گئی جبکہ پولیس کے ممکنہ کریک ڈاؤن کے خطرے کے پیش نظر طاہر القادری اور عمران خان کے کنٹینر کی سیکیورٹی بھی بڑھادی گئی ہے۔


ایكسپریس نیوز كے مطابق عوامی تحریک کی انتظامیہ کی جانب سے پاک سیکریٹریٹ کی جانب بڑھنے کے اعلان کے بعد كاركنان كی بڑی تعداد پاک سیكریٹریٹ كے گیٹ كے سامنے جمع ہوگئی جبکہ کارکنان کو یہ ہدایت بھی کی گئی ہے کہ وہ رات بھر جاگتے رہیں کیونکہ آج رات اسلام پولیس کی جانب سے کریک ڈاؤن کا خطرہ ہے۔

ادھر ممکنہ کریک ڈاؤن کے خطرے کے پیش نظر عوامی تحریک کے سربراہ طاہر القادری کے کنٹینر کی سیکیورٹی بڑھادی گئی ہے جبکہ عمران خان کے کنٹینر کی سیکیورٹی بھی عوامی تحریک کے کارکنوں کو سونپ دی گئی ہے جس کے بعد ڈنڈا بردار کارکنوں نے طاہر القادری اور عمران خان کے کنٹینرز کو گھیرے میں لے لیا ہے۔