سلمان بگ باس کے آٹھویں سیزن کی بھی میزبانی کرینگے

بگ باس کے آٹھویں سیزن کا پرومو بھی ریلیز کردیا گیا ہے جس میں سلمان خان پائیلٹ کے روپ میں نظر آرہے ہیں۔ فوٹو : فائل

---

بالی ووڈ سپر اسٹار سلمان خان اپنے ٹی وی ریئلٹی شو بگ باس کے آٹھویں سیزن کے ساتھ جلوہ گر ہورہے ہیں۔

بگ باس کو انڈٰیا میں سلمان خان کی میزبانی میں بے حد پسند کیا جاتا ہے۔ بگ باس کے آٹھویں سیزن کا پرومو بھی ریلیز کردیا گیا ہے جس میں سلمان خان پائیلٹ کے روپ میں نظر آرہے ہیں جب کہ اس بار شو کا ٹائٹل سب کی لگے گی واٹ، کے نام سے رکھا گیا ہے۔

پرومو میں سلمان خان نے اپنے انداز میں کہا ہے کہ سمجھاؤں گا آپکو گریٹ، بٹ ڈونٹ بی لیٹ۔ شو کی ٹیگ لائن بھی بہت منفرد رکھی گئی ہے جو کہ ہے بگ باس آٹھ، لگائے گا سب کی واٹ جس سے ظاہر ہوتا ہے اس سیزن میں مہمانوں کو بہت مشکلات کا سامنا کرنا پڑے گا۔