ہنی سنگھ کے ساتھ کام کرنا پسند کروں گی بپاشا باسو

KARACHI:
بالی ووڈ اداکارہ بپاشا باسو کا کہنا ہے کہ نوجوان گلوکار یو یو ہنی سنگھ ایک سحر انگیز شخصیت کے مالک ہیں اور ان کے ساتھ کام کرنا پسند کروں گی۔


بھارتی میڈیا رپورٹس کے مطابق بپا شا باسو کا کہنا تھا کہ نوجوان گلوکار یویو ہنی سنگھ ایک سحر انگیز شخصیت کے مالک ہیں، ان کے گانے عوام میں بہت مقبول ہیں، مجھے ان کے ساتھ کام کرنے کا موقع ملتا ہے تو میں ضرور کروں گی، اگر میں نے ہنی سنگھ کے ساتھ کام کرنے سے انکار کیا تو میں بہت بڑی بے وقوف ہوں گی، ہر کوئی ان کے ساتھ ڈانس کرنا چاہتا ہے۔

واضح رہے کہ یو یو ہنی سنگھ نے کچھ ہی عرصے میں بالی ووڈ میں اپنا نام بنا لیا ہے اور امیتابھ بچن سے لے کر شاہ رخ خان تک سب ان کے گانوں کی تعریف کرتے نظر آتے ہیں۔