شاہ رخ کی فلم ’’ہیپی نیوائیر‘‘ کے پہلے گانے کی وڈیو جاری

گانے کی وڈیو میں فلم کی پوری کاسٹ ایک ساتھ ڈانس کرتی نظر آرہی ہے۔ فوٹو : فائل

---

بالی وڈ فلم '' ہیپی نیوائیر'' کے پہلے گانے کی وڈیو جاری کردی گئی۔ فلم ساز وہدایت کار فرح خان کے ساتھ شاہ رخ خان اور دیپکا پڈوکون کی نئی فلم''ہیپی نیوائیر'' کے پوسٹراور ٹریلر کے بعد فلم کے پہلے گانے ''انڈیا والے'' کی وڈیو جاری کردی گئی۔

استاد کامل کے تحریر کردہ توڑیں گے تالے، انڈیا والے کے بولوں پر مبنی اس گانے کو وشال ڈاڈلانی کے کے، شنکر مہا دھیوان اور نیتی موہن کی آواز میں ریکارڈ کیا گیا ہے۔ جس کی وڈیو میں فلم کی پوری کاسٹ ایک ساتھ ڈانس کرتی نظر آرہی ہے۔ گوری خان کے پروڈیوس کردہ اس فلم میں شاہ رخ خان اور دیپکا کے ساتھ ابھیشک بچن بومن ایرانی، جیکی شیرف اور سونو سود اہم کردار ادا کررہے ہیں۔ فلم 24 اکتوبر کو سینما گھروں کی زینت بنے گی۔