وائلن کی دھن پر ناچتے ہاتھیوں نے انٹرنیٹ پر دھوم مچا دی

امریکی سرکس کے یہ ہاتھی وائلن کی دھن پر رقص کا ایسا شاندار مظاہرہ پیش کرتے ہیں جسے دیکھ کر سیاح بھی حیران رہ جاتے ہیں فوٹو : فائل

---

KARACHI: انسانوں کو تو آپ نے ڈانس کی صلاحیتوں کا مظاہرہ کرتے ہوئے دیکھا ہی ہوگا لیکن اب تو ہاتھی بھی اپنی پسندیدیہ دھنوں پر ناچنے لگے ہیں۔

امریکا کے ایک سرکس میں موجود ان ہاتھیوں کو ہی دیکھ لیجیے جو وائلن کی دھن پر رقص کا ایسا شاندار مظاہرہ پیش کرتے ہیں جسے دیکھ کر یہاں آنے والے سیاح بھی حیران رہ جاتے ہیں۔ ہاتھی کبھی اپنی گردن ہلاتے ہیں تو کبھی اپنے انتہائی وزنی پیر اٹھا کر جھومتے رہتے ہیں اور یہ ثابت کردیتے ہیں کہ اگر دھن اچھی ہو تو ہاتھی بھی ناچ سکتے ہیں۔

کیلی اور وایو لانامی ان ہاتھیوں کی ڈانس پرفارمنس پر مبنی وڈیو ان دنوں انٹرنیٹ پر لاکھوں افراد کی توجہ کا مرکز بنی ہوئی ہے۔