سابق صدر آصف زرداری نے چین کے صدر کا دورہ پاکستان ملتوی ہونے پرگہرے دکھ اور افسوس کا اظہار کیا ہے۔

ایکسپریس نیوز کے مطابق سابق صدر آصف زرداری نے کہا کہ بدقسمتی سے بحران کے باعث چین کے صدر کا غیر معمولی دورہ ملتوی ہوا جو افسوسناک ہے اب حکومت چینی صدر کا دورہ پاکستان ری شیڈول کرے۔ انہوں نے کہا کہ فریقین اسلام آباد میں بحران کو ختم نہیں کراسکے ہیں،حکومت اسلام آباد میں جاری مسئلے کا فوری طور پرپرامن حل تلاش کرے اور ذہنی انتشار کا باعث بننے والا تعطل فوری ختم کیا جائے۔