خوشی ہوگی اگر بھارتی انداز رقص عالمی سطح پر اپنایا جائے اکشے کمار

شوز کی روایت کو بدل دینگے، نیا ریالٹی شو ’’ڈیئر ٹو ڈانس ‘‘ صرف بھارتی ڈانس پر ہوگا فوٹو: فائل

---

بالی ووڈ اداکاراکشے کمار نے کہا ہے کہ انھیں خوشی ہوگی اگر بھارتی انداز رقص بین الاقوامی سطح پر اپنایا جائے۔

اکشے کمار نے اپنے حالیہ انٹرویو میں کہا کہ بھارت میں بین الاقوامی ٹی وی ریالٹی شو جیسا کہ بگ کردار اور ڈانس ود دی اسٹار کے طرز کے کئی شوز دکھائے جاتے ہیں۔ ان کا نیا ٹی وی ریالٹی شو ''ڈیئر ٹو ڈانس '' جس کی وہ میزبانی کر رہے ہیں اس روایت کو تبدیل کرے گا، یہ دوسرے ریالٹی شوز سے ہٹ کر بھارتی ٹی وی ریالٹی شو ہے جس سے خاص بھارتی انداز رقص کو شرکاء اپنائیں گے۔

انھیں خوشی ہوگی اگر اس انداز رقص کو اتنی شہریت ملے کہ یہ بین الاقوامی سطح پر اپنایا جائے اور وہاں کے لوگ بھارتی طرز کا ریالٹی شو بنائیں۔ اداکار نے کہا کہ اس شو کی میزبانی کا تجربہ اچھا رہا۔ یہ شو بھارتی ٹی وی چینل سے ہفتہ کو آن ائیر ہوگا۔