عراق میں 2 کار بم دھماکوں میں 17 افراد ہلاک 32 زخمی

داعش کے خود ساختہ خلیفہ ابو بکر البغدادی کا خاص مشیر ابوہجر السوری فضائی حملے میں ہلاک۔ فوٹو: اے ایف پی/فائل

---

عراقی دارالحکومت بغداد میں 2کار بم دھماکوں میں 17 افراد ہلاک اور 32 زخمی ہوگئے۔ موصل میں داعش کے خود ساختہ خلیفہ ابو بکر البغدادی کا ایک خاص مشیر ابوہجر السوری فضائی حملے میں ہلاک ہوگیا۔

عراق میں داعش کے جنگجوئوں نے شمالی علاقے سے 50 افراد کو اغوا کرلیا۔ اس سے قبل ان لوگوں نے داعش کے پرچم کو آگ لگا دی تھی۔ داعش کے ہاتھوں قتل ہونے والے دوسرے امریکی صحافی سٹیون سوٹلوف کے لواحقین نے داعش کے سربراہ کو قرآن میں امن کی تعلیمات کے حوالے سے مناظرے کا چیلنج کردیا۔ برطانیہ کے نامور مسلم مذہبی رہنماؤں نے داعش کے خلاف فتویٰ جاری کیا ہے۔ عراق اور شام میں خلافت کا اعلان کرنے والے اس ملیشیا گروپ کو برطانیہ کے اماموں نے ملحد قرار دیا ہے۔