اردون کی ٹی وی شو کے میزبان نے گدھے کو اس کے مالک کے ساتھ اپنے شوکا مہمان بنا ڈالا
KARACHI:
جی ہاں حیران ہونے کی ضرورت نہیں یہ حقیقت ہے کہ اردن کے ٹی وی شو میں گدھے کو مہمان کے طور پر مدعوکیا گیا تھا۔
پاکستان کی طرح دنیا بھر کے ٹی وی شو کے مہمان کا تعلق یا تو سیاست سے ہوتا ہے یا ادب سے جب کہ شوبز کی دنیا سے تعلق رکھنے والے افراد بھی ان پروگراموں میں جلوہ افروز ہوتے ہیں لیکن اردن کے ٹی وی شو نے اس روایت کو کچھ اس طرح توڑا کہ میزبان نے اپنے ملک کے نہ توکسی سیاستدان کواس قابل سمجھا اورنہ ہی کسی شوبز سے تعلق رکھنے والے افراد کو بلکہ موصوف نے تو اپنے پروگرام میں مہمان کے طور پر ایک گدھے کو اس کے مالک کے ساتھ مدعو کرڈالا، جس میں میزبان نے گدھے کے مالک سے کئی دلچسپ سوال پوچھ کر پروگرام دیکھنے والوں کو ہنسنے پر مجبور کردیا۔